بقايا بني أدمين ...بقلم الشاعر حسن الشوان / مصر - مجلة عالم الأدباء

................................. بقايا بني أدمين .............

عايشين بقايا بني ادمين
لا لينا قيمه وهيكل كيان
خيال مأته في الفدادين
كان ليه شنه ورنه زمان
دلوقت العصافير واقفين
والريح بتلعب بيه كمان
عايشين بقايا بني ادمين
وعناوين توهمك إنك إنسان
وهاوية فيها انت مين
وف حقوقك مالكش مكان
تعيش ف القاع تدوق الطين
وتشرب الجهل في الكيزان
طبعا المرار جواك من سنين
وعمرك ما إشتكيت من الحرمان
راضي بالقليل بقولة أمين
وتجاعيد القهر ف وشك عنوان

..........................................................
.................... الشاعر حسن الشوان ..........