حكايتي مع الكنترول/ الكاتب علي عبد الرزاق صالح/ مجلة خمائل

إنا رُحت للكنترول وكان الوقت يومها صباح
ماســــــــــك معايا هديه لريس الكساح
جُوز ، وارنبه ، وديك صـــــــــــــــــــياح
نظرلى ونطرلهم وصرخ فــــــ وشى وصاح
لاوزه ولاارنبه الحق يكون نطاح
لو جبت ابو اربعه هيكون ضميرى ارتاح
هوصلك لحد المغاره وأدلك على المفتاح
فهمت يا ابو السباع ولا باين عليك فلاح
اخليك تصرخ تهيص تغنى تقول سواح
وتغنى لسومه وحليم ولسيد الملاح
بص لطولى وعرضى وبص على بطنى
انا بطنى واسع كبير ممكن يشيل تمساح
وان كنت غاوي السمك لازم تكون صياد
تنزل بحور المودة ومعاك شبك طراح
وخللى الكلام بيني وبينك سر
إياك تفوح بالسر يا ابو لسان فضاح
لازم تجيينى البيت تشد الخروف بالحبل
ولو حبل الوداد انقطع هيكون نصيبك راح
همست في ودنه اشتكى حـــــــــــــالى
بسرعه راح أتنفض صرخ وقال ياصلاح
فهم أبو وش فقرى وقُله قوم روح
ابو أرنبه عوره ، وبطه مكسورة ، ووزه بنص جناح