في وقت غروب علي أحمد /مجلة خمائل

ف وقت غروب
وضى الشمس اهو ماشى
بيحضن فى غروب مايل
بيتحامى ف حضن الليل
وقلب مشتت التفكير
مبيفكرش غير فيها
ف نفس الوقت بالتحديد
عيونه تحن لعينيها
بيتامل ف قرص الشمس
وهو بينحنى ويميل
يرجع ذكريات شاردة
وليل داخل وحزن طويل
مكان ما كانوا بيتقابلوا
غروب الشمس يحضنهم
وضيه يحضن العشاق قوام ويطيل
ونظرة عين وحنية وحضن طويل
ومع كل دقيقة غروب
دموع سايلة تعاتب النيل
ونوره الساطع العاكس ف وقت غروب
وشكل النيل بيتباهى يدوب دووووووب
وبيعاتب ف صاحبنا ويتسائل
حبيبتك فين ؟؟؟؟؟
مفيش اى ردود خالص
وبعد دموع بتنهيدة
يرد يقول قدر موعود
نصيب يحكم ع قدرنا
ويرسم ذكريات وورود
وبيوصل ف احلامنا لاحضان غيرنا
ويترك لينا بس دموع
يطول ف الردود تانى
ويبكى بكاء مهوش مسموع
ويدعو ربه البارى
يارب ارحمنا واوهبنا
حبيب ميكونش ناوى يغيب
ولايخدع ولا بيخون
ولا يتعبنا وقت رجوع
يارب ارحم عيون دبلت
ف وقت غروب