لا تنحرف اشرف رمسيس / مجلة خمائل

قلبي اتوجع قلبي اتوجع
خلاني اضرب عالكفوف
اربت اضرب الودع
واشوف قلوب مليانة خوف
واللي انحرف هو الجدع
والناس تساف بالالوف
للي في ايده الناس تشوف
حتة سلاح واقف بيضرب
كام خروف والناس غلابه
وخيفة خوف لاكن بقول
تمسك سلاح تبقي جبان
خايب كمان خايف يا صاحبي
من الزمان عايش حياه
من غير امان ولا لكش صاحب
له امان ولا ليك امان
صاحبك سلاحك ترميه اوام
لما يبان انك جبان
يابني الجدع عمرو ما خان
الجدعنة والمرجلة جوا القلوب
المؤمنة تسالني ليه
ارد اقول مطمنة ماشية في حالها
حطه املها في ربنا
عيشه السما وعيشه هنا
ودي الجدعنة انك تخاف
بس تخاف من ربنا
مش عبد زيك او زي.واحد مننا
ارمي سلاحك تعال معايه حسلحك
هديك سلاح راح ينفعك
اسمع كلامي هسمعك
ارسم طريق وهات سلاحك
قصدي كفاحك هاتو معك
وحضره قبل اما تمشي يوقعك
او تنكسر او تتوجع
فكر بعقلك وانته ماشي
وخد كفاحك قلو ماشي
تلقي اللي راح جيلك
بيجري وانته ماشي
ولا يوم تخاف م اللي
يجيلك واللي مجاشي
ا جوك يا صاحب قوم
قولي ماشي قوم قولي
سبني خليني ارجع
كل اللي فاتني
خليني الحق استني بدري
اللي مجاشي واصنع اماني
ومن مكاني.ارجع.زماني
واعيش واحقق كل الاماني
قبل اما اموت اعيشها تاني
اعيشها فرحة ازرعها وردة
افتح عنيه علي صفحة بيضة
افتح وابدا من النهارده
لا اخاف ولا اضرب فده وده
اغوم ولا اغرق اجري واسبق
اجري في جيبي وبايدي احلم
احلم واحقق اصل السلاح عمره
ما حقق قولوا للخروف اياك تصدق