هتعدى اشرف رمسيس / مجلة خمائل

بيمينى هعدى وامر
ولو حطوا مرارك مر
انا عارفك سنين وتمر
هكون صابر ومش ساكت
وعارف عالصعاب راح امر
وحلمى اكيد هيتحقق اعيش
عمري ميشرب منى حد المر
ادام ايامى بتعدى ومرارى
شاربو انا وحدى مع دموعى
وكل يوم بابكي هخلى بكايه
متخبى هشيلو مهما اتوجع قلبى
وهعدى كأن الحزن مات عندى
وتعاندى اد متعندى انا هعاندك
ورغم جراحى راح اعاندك
وعندى حلول ولو بدلتى
كل يوم شاكلك هكون حلال لماشكلك
ولو هتروح روحى فى عندك
هطير كالريح واكون قبلك
واصابق كل لحظة ضيق
ولو جايه وكل مادا تضيق
مش هيأس وهبدل طريق بطريق
اعيش صادق وعندى صديق
اشيلو وانام على كتفو
ادام صاحب اكيد هيطيق
وارضى ضميرى فى ارضى
واحمى صاحبى واخواتى ولاد بلدى
ورايتك تبقى مرفوعه
بأيادى وردك البلدى
وفوق الكل مرفوعه وفوقك فل
وفكر يطل ويتبدل مرار الذل
وفى الذكرى سعات هيمر
وهضحك بردو على
وانا ساكت واقول لسه
يا واد فاكر زمان المر
يا ريت تحمد كمان تشكر
خلاص عدى زمانو ومر