وماشية وعقلى متغمى / بقلم الشاعرة هناء محمود

وماشية وعقلي متغمي
وقلبي ساحبني وبيجري
ورابط لي علي عنيا
سلمني لجرحي ولحزني
وتايهة في دنيا كالحية
كتر توبها ومتلون
يوماتي أشوفها م الأول
كطفل رضيع بيتألم
ضاع منها أحلي مافيها
وفاضل فيها بس مرار
راح فين الحب والطيبة
راح فين في زمانا
الأخيار
مالها الدنيا دايسة علينا
بتجيبنا وتودينا
ولالحظة ترق وتحيينا
مال ناسها كتير بتغش
وبتلبس مليون وش
والحق مابينا يتوه
والطيب يبقي مهان
وسعيد فيها ومتهني
اللي يخون واللي جبان
ليه صوت الحق يروح
وكأنه طير مدبوح
والشر صوته بيعلي
وكأنه أسد وبيزأر
في الضلمة وعز الليل
ماشية تملي بالمعكوس
تدي حقوق من غير حق
تسلب حق من صاحب الحق
وأهي عيشة وفيها هنعافر
وبقوة هنمشي وندوس
هناء محمود...ام عبير