بِلِّى ريقِى..بقلم الشاعر فتح الله أبو آيه/ مصر _ مجلة عالم الأدباء

(ديويتو)
********
بِلِّى ريقِى
********
هو / بلى ريقى يا سِكِّتى وعِشقى الحقيقى
********
هو / بلى ريقى بكلمه فيها جايَّه ليك
هى / هُمَّا يوم او يومين واتزف ليك
هى / ليل نهار عُمرى كلُّه بين إيديك
هى / وابل ريقك وتبل ريقى
هى / واكون عشيقتك وتكون عشيقى
هى / يا سِكِّتى وعِشقى الحقيقى
*********
هى / حَبِّة حاجات ومحتاجات بالنسبه ليَّه مُش كتير
هى / الوقت بَس هوَّ اللى عَندى أكتر واكتر مِن كتير
هى / بياخُد ويدِّى مِن كلامى ومِن كلامك كلام كبير
هى / كلام يحَنِّن قلب الأحِبِّه ويكون ما بينهم حُب وحقيقى
*********
هو / أنا مُش بخاطرى أنتظر أو ما انتظرِش
هو / أنا قلبى طاير مِن الهوى أصحى ما نامْش
هو / أنا عينى بَكِّتْ دمعِتى مُش لاقى فَرْش
هو / أتغطَّى بِيِه او انام عاليه وانا دمعى فِيِه دمعى الحقيقى
**********
هو / فى النهايه ياللى فيكِى بَل ريقى
هو / كلمينى وسَكَّتِى نبضى الحقيقى
هو / أو حتَّى صوره فيها ضحكه مُش حقيقى
هو / ساعِتها هاعرف إنْ ريقى إتبل بيكى
هو / وهابقى ليكى نور عينيكى وفرحتى
هو / يا دُنيتى وسِكِّتى وعشقى الحقيقى
***********
كلمات للشاعر
الأستاذ / فتح الله أبو آيه
عضو نقابة شعراء مصر
الإسم / فتح الله محمد صفوت عبد اللطيف
البلد / مصر