مش هنرضى / بقلم فتحى الصومعى

مش هنرضى.. شعر/ فتحي الصومعي
*******************************
كِـتـرِت هـمـومـــي
غُـلُـبـت اشيلهـــــــا فين وفين
وكمان عشان احرسها
............. محتاج ألف عين
كنت عايز وانتي عارفا
إني أصغر حد..
في ضناكي اليتــــــامى
وانتــي تِدِّي.. تِدِّي ياما
للي عنده.. وعنده ياما !
تسأليشي هو مين
.......... وجــــــاي مـنـيـــن
راح أبويا.. واللي باين:
إنتي ناويـــا..
تعمليش مرَّه بْـ كلامه
برضه ناويـــــا:
تـنــسي إنــك تـبـقـــي مـيـــن
إنسي إنتـــي
بس إحنا مش هنرضى
ومــش هـنـنـــــــــسى
مش هننسى انك بـهـيــه
واننا عيالك يا غاليـــــــا
وانـنــا عيـــــال لْــ يــاســيـن