جرس الخطر / بقلم الشاعر مصطفى عبد المنعم

جرس الخطر
**************
أهو جرس الخطر
دلوقتى ضرب
يا عرب
و احنا لسه فى حصة الخلافات
و الفرقة بينا لسه و الانقسامات
العالم ... سبقنا
و أحنا زى ما أحنا
بينا مسافات
بنفكر فى اللى فات
و بنشغل بالنا بتفاهات
الوطن مش متحمل
لاكوارث و لا أزمات
فى وقتنا ده بالذات
من يوم ما وحدتنا اتفرقت
و أحنا عروبتنا أتمزقت
و بلاد الغرب أهى حققت
حلمها
أصلها دلوقتى ما صدقت
بعد ما جيوشها أتهزمت
منا عبر الحضارات
جايين يحاربونا من غير جيوش
بسموم الفتن و الاشاعات
فين راحت وحدتنا
قوتنا
إللى كانت رافعة هامتنا و حافظة كرامتنا
فين راحت كلمتنا
اللى كانت بتهزم العالم
ف ساعات
دلوقتى بيتامروا علينا
و أحنا بأيدينا
حققنا حلمهم و نسينا
إننا خير أمة
علشان كده حلت بينا الغمة
بنشوف الدمار و الموت بعنينا
و ما عندناش الا السكوت
ما أحنا اللى عملناه بايدينا
ما بنتجمع الا علشان نأخد
تعازينا
*****************************
هذة القصيدة للشاعر مصطفى عبدالمنعم
من ديوان (حلم عمري)