اسف/حسين محمد/مجلة خمائل

اسف
على لحظة فرح انا عشتها
اسف
على احلام بعقلى رسمتها
اسف
لما فهمت ضحكتك لى وعود
اسف
لما شفت الفجر فى عينيك يعود
اسف
لما شفت بكره بين ايدينا بيناديكى
اسف
على جرح منى ليكى
لما تسكتى وقلبى يناديكى
اسف
على حلمى لما يندبح ما بين ايديكى
اسف
على دمعه تنزل من عنيكى
تحرق فى قلبى
قبل ما تمسحها ايديكى
اسف اسف اسف
لما الصبح ينده ما يلاقيكى
لما ربيع الحياة منا يفوت
لما الامل فينا يموت
لما الحب ينتحر
والخوف يسود
لما الحزن يملك قلبنا
من غير حدود
اسف اسف اسف
اسف على اى كلمه كتبتها
وبكل وجدى وهيامى قلتها
اسف
على الايام على الاحلام
على الاوهام
على اى لحظه حلوة عشتها
اسف لكل نجمه شفتها
وسهرتها فى ليلى الحزين
اسف رغم خوفى من الحنين
لما اشوف قلبك حزين
اسف لمين ولا لمين
اسف لعنيكى الحيرانين
ولا لقلبك الحزين
ولا لدمعه منعتها
ولا صرخه كتمتها
وبقت انين
اسف اسف اسف
من غيرك لا يمكن اعيش
انت ليه ما بتفهاميش