أغنية (كان زمان) / الشاعر لحربي علي / مجلة خمائل

كنت زمان بشتاق
دلوقت بهد أمالي
مش شايف إلا فراق
وجبل قصادك عالي
إنتي السبب ياحبيبه
هجرك وصلني لغيبه
والله لو كنتي قريبه
ماكان إتغير حالي
كنت زمان بشتاق
دلوقت بهد أمالي
قربت كتير لقلبك
زرعت الورد بخدك
ضفرت ضفاير شعرك
ولا عجبك حب مثالي
كنت زمان بشتاق
دلوقت بهد أمالي
صعبتي الحب عليا
بقى حبك شكل الميه
لا لون يسر عنيا
ولابطعم شفايف جالي
كنت زمان بشتاق
دلوقت بهد أمالي
مش شايف إلا فراق
وجبل قصادك عالي