ليه حبك بداريه/ الشاعر عمر عبد الجواد/ مجلة خمائل

ليه ليه ..حبك عني بتداريه
دنا بتمني قربك مش لاقيه
مين اللي عني مانعك
وإزاي قلبك يطاوعك
لو بعدك عني نافعك
بيع حبك و أنا لسه شاريه
.....ليه ليه.. حبك عني بتداريه.........
لا الشمس في بعدك راح تظهر
وأرضي بتتشقق أكتر
حتي السما ما بترضي تمطر
قولي بربك راح أعيش ليه
.......ليه ليه..حبك عني بتداريه.........
أنا عنك ما داريت إحساسي
ما إنت أهلي وكل ناسي
وزعلك علي عيني وراسي
عايزني تاني أعمل إيه .
. .....ليه ليه ..حبك عني بتداريه.........
ٔأنا رشيت الميه في الدار
ومليته عطر و مسك وأزهار
لو عايزني أعملك زار
أرحم م اللي أنا فيه
........ليه ليه...حبك عني بتداريه...........
ليلي في بعدك بيطول
أكتر بكتير من الأول
وقلبي عن حبك ما إتحول
ليه ليه بتأسي عليه
.........ليه ليه.. حبك عني بتداريه...... ..
عيني ما بتدوق النوم
و يعدي يوم ورا يوم
و الناس ما بتبطل لوم
سايبني لوحدي ليه.
..... ليه ليه.... حبك عني بتداريه.....
أشكي لمين همي
نشفت ريقي ودمي
وشمت فيا خالي وعمي
بتعذبني بحبك ليه
......ليه ليه...حبك عني بتداريه.......
تعالي وقرب مني
إشكيلي وإحكيلي وطمني
وأنا اشيلك في العين والنني
و نتهني سوا بالحب ولياليه