مجلة عالم الأدباء للأديبة سوزان عبدالقادر
مرحبا بكل السادة الزوار والاعضاء الجدد

انضم إلى المنتدى ، فالأمر سريع وسهل

مجلة عالم الأدباء للأديبة سوزان عبدالقادر
مرحبا بكل السادة الزوار والاعضاء الجدد
مجلة عالم الأدباء للأديبة سوزان عبدالقادر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

روضة الحج..الشاعر ياسر شرف/ مصر _ مجلة عالم الأدباء

اذهب الى الأسفل

روضة الحج..الشاعر ياسر شرف/ مصر _ مجلة عالم الأدباء  Empty روضة الحج..الشاعر ياسر شرف/ مصر _ مجلة عالم الأدباء

مُساهمة  سوزان عبدالقادر السبت أغسطس 26, 2017 8:47 am

روضة الحج
========
طول عمرى بادعى كتير واقول
عمرة وحجة يارب أنول
وادخل بروحى وجسدى ازور
مسجد حبيبنا طه الرسول
وفضلت احوش ليل ونهار
واتمنى يكتبها لى الغفار
وفى كل مرة أجرى بسرعة
واتمنى ده افوز بالقرعة
ومن كتر فشلى يعنى كتير
يئست قلت ما فيش تغيير
لحد ما جابولى فى بشارة
وقالوا لى حتج يا عمارة
تحرم وتركب فى الطيارة
وتدعى للشارع والحارة
وبرغم مرضى وعجزى كتير
حسيت بأنى رجعت صغير
وروحى تهفهف كده طيران
وزغاريد فى قلبى ليل ونهار
ولبست فى ملابس الإحرام
وقلت بينى وبين ربى عمار
ودعيته يعتقنى من النار
ودخلت للكعبة فرحان
ودموع تسيل فى بحار أنهار
وطوفت وبسرعة دوران
وكأنى طاير كده طيران
وحمام يطوف ويانا ويحوم
تسبيح بإسم الاه الكون
وشعور بفرحة وخير وسلام
وفى جنة من روضة رضوان
والكل بيهلل ويقول
صلوا على طه الرسول
لبيك يا خالق يا عظيم
نسجد ونشكر كده تعظيم
اغفر لنا وارحم يا رحيم
كرمك وعفوك اصله كبير
وملايكة حوالينا بتطير
وأصوات تسبح كده عصافير
مشهد ده يفرح اى حزين
ويداوى جسم وقلب عليل
الكل راضى كده وفرحان
لأنه فى ضيافة الرحمن
والعطر بروايح الجنة
بيفوح علينا ونتهنا
وشراب بلذة من الرحمات
والأكل مصحوب بالبركات
وشربت من مية زمزم
ادعى لا أشكى ولا أندم
وسعيت بين الصفا والمروة
بنشاط كأنى كده فى ثورة
ولما وقفت على عرفات
حسيت بالرجفة ورحمات
وكأنى مولود منذ ساعات
وغفر لى ربى السيئات
وفضلت أبكى ساعات وساعات
من الفرحة ووصول البركات
وملايكة حوالينا بتدور
وفوقينا البيت المعمور
ونلبى بسعادة وشعارات
ونروح على رمى الجمرات
نرجم ونلعن فى الشيطان
أكبر عدو لبنى الإنسان
ونرجع نطوف حجة لوداع
ونحزم شنطنا مع الامتاع
ونسجد مع الشكر وعرفان
لالاهنا وحبيبنا الرحمن
وفى المدينة نزور بأمان
مسجد نبينا طه العدنان
وبشوق وفرحة كده عفيفة
نصلى فى الروضة الشريفة
ونتمنى نشرب جرعة كمان
فى الجنة على حوض العدنان
وقلت انا محظوظ بالذات
وتحققت كل الأمنيات
وعدت وكأنى كده مولود
ورجيت لربى إنى أموت
بدون خطيئة وذنب كبير
وكفاية يغفر لى ده رحيم .

ياسر شرف

سوزان عبدالقادر

عدد المساهمات : 193
تاريخ التسجيل : 30/07/2017

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى