مجلة عالم الأدباء للأديبة سوزان عبدالقادر
مرحبا بكل السادة الزوار والاعضاء الجدد

انا وليلى / بقلم الشاعر عبدالهادي غزال

استعرض الموضوع السابق استعرض الموضوع التالي اذهب الى الأسفل

انا وليلى / بقلم الشاعر عبدالهادي غزال

مُساهمة  سوزان عبدالقادر في السبت مارس 11, 2017 12:37 am

بقلم/ الشاعر عبدالهادي غزال
انا وليلي
وسط الغيطان
والشمس لسه مشقشقه
ماشي بفكر في اللي فات
في حبي القديم والذكريات
وفي نبته زرعناها زمان
لقيتها شجره مورقه
وفي وعود قطعناها مابينا
ان لو يوم افترقنا
وكل واحد راح لحاله
تفضل قلوبنا متعلقه
كنت بقعد جنب السواقي
أنتظرها بالساعات
ولما تيجي اجري عليها
ونقعد ونحكي في حكيات
شوق المقابله والتنهيدات
وحزني بان لما افتكرت
ان العمر بسرعه فات
وسرحت حبه لقيتها جايه
اجمل عروسه متزوقه
بس طبعا ده ف خيالي
طيفها مره واحده جالي
وفجآه لقيتني حسيت بشوق
بيضرب ضلوعي بمطرقه
والاقي اللسان يتمتم ينادي
ياليلي ياساكنه فؤدي
فينك يا شمسي المشرقه
ومن شوقي احس اليوم يطول
والاقي شفايفي بعلو صوتي
وغصب عني ابوح واقول
انا وليلي
عشنا احلي قصة حب
قصه حروفها نبض القلب
عيشنا فيها في الجنه
فراش بيطير في وسط زهور
وبلون زهورها نتحنا
عيشنا جوه اجمل حلم
يدوب نطلب ونتمني
ولما نصحي منه نفوق
ويهزمنا الحنين والشوق
نلاقي دموعنا عالخدين
من شوقنا راحت سايله
انا وليلي

سوزان عبدالقادر

عدد المساهمات : 193
تاريخ التسجيل : 30/07/2017

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى