مجلة عالم الأدباء للأديبة سوزان عبدالقادر
مرحبا بكل السادة الزوار والاعضاء الجدد

مهلكة / بقلم الشاعرة أميرة رزق

استعرض الموضوع السابق استعرض الموضوع التالي اذهب الى الأسفل

مهلكة / بقلم الشاعرة أميرة رزق

مُساهمة  سوزان عبدالقادر في الأحد فبراير 26, 2017 6:49 pm

اتمني نتقابل ف هدنة
اصل الغرام مبقاش ضامننا
معاليك بتعشق ف الورود المضحكة
و انا ضحكة باكية و مُهلكة
خنت اتفاقنا بغيرتي ليك المزعجة
رغم ان من غير غيرتي هتحول موّدة
مش عشق باعث للقلق
صدقني يوم ماتضمهم
و تساوي سُنّتهم ب ديننا
حتي ولو بمناغشة هايفة مش قاصدة الفجور
ببني الجسور
و بحط خطواتك في ابعد حتة بيننا
بندم قوي
اني مكنتش زيهم
بنحت ف روحك بالقوي و مبلقاهاش
صدقني ذنبك مش هَشاش
لأنه بيقطع مشاعري و يفتحلك باب صدرهم
قلت و كتير
لكنك مش قاصد تعير
او تدّي قلبي الاهتمام
هصبح هلام
هشهد بوجعي كل شئ و مبينوش
هدخل رضاك و مهسكنوش
اصل الوجع جواه جحود شوِّك قوي
و ان شفت نبضي المنطوي
حاسب لياخد عالغياب
و يكون لفرضك حس آثم.....و ميقضيهوش
صدقني مش قاصدة اتعبك
و لا دمعي هيلوف عالبيوت
هضحك قوي
و الصوت هيتعب م الغنا
لكن لو الشوق انتصر و رجعت تسأل
هتلاقي مقتل
و تدوق مشاعرقلب تاني متعرفوش
و متندهشش
اصل الامان له الف وش
ملمحتش ابدا حتي واحد بالغلط
متخافش ان شفت السدد
او لحظة شميتني ف حروق
هبنيك وريد اسوارة عالية تدّخل قلب تاني
واطلع سلالم كسرتي
واتحدف منك و افوق

#مُهلكة
#اميرة_رزق

سوزان عبدالقادر

عدد المساهمات : 193
تاريخ التسجيل : 30/07/2017

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى