مجلة عالم الأدباء للأديبة سوزان عبدالقادر
مرحبا بكل السادة الزوار والاعضاء الجدد

اعذروها / بقلم الشاعرة هدى سيد

استعرض الموضوع السابق استعرض الموضوع التالي اذهب الى الأسفل

اعذروها / بقلم الشاعرة هدى سيد

مُساهمة  سوزان عبدالقادر في الأحد فبراير 26, 2017 11:22 am

قصيدة( أعذروها )
بقلمي / هدى سيد
٢٠١٧/٢/١٩

اعذروها لسه خايفة
تاني تفتح قلب مات
قلب دايب م الخيانة
قلب داق طعم الإهانة
قلب هدّه التنهيدات
اعذروها واسألوها
ع الدموع اللى ف عينيها
بس لو رفضت تجاوب
اوعوا حاسبوا تجرحوها
واعذروها ١٠٠٠ عذر
كات بتحلم يبقى ليها
دبلة فضة وبيت ومهر
بس طلعت منه واحدة
كات ضحية حب غدر
قدروا الضعف اللى دايما
طول حياتها عايشه فيه
ارحموا الجرح اللى نازف
واللى صاحية ونايمة بيه
مدوا إيدكم واحضنوها
طمنوها
وإبعدوا الذكرى الأليمة
بدلوها بشئ له قيمة
هي آمنت لما حبت
شخص خاين م البدايه
كان أملها يبقى ليها
في الحياة أجمل حكاية
أما هو كان بيكتب
وبإيديه أصعب نهايه
داس طهارة بنت بكر
وأما نال اللي ف مراده
سابها شاردة ف قلب فكر
كاتمة جوه منها صوتها
صرخة واضحة بين سكوتها
كات بتشبه وردة ناديه
فجأة دبلت جوه عودها
ادعوا رب الكون يعينها
من جديد تضحك سنينها
واللي نزل دمع عينها
ينتقم منه الزمان
ينقلب ضده الميزان
يعرف إن الدنيا فيها
مين يدين لازم يدان

سوزان عبدالقادر

عدد المساهمات : 193
تاريخ التسجيل : 30/07/2017

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى